عنّا
استوديو تطبيقات صغير. نسوّي تطبيقات ليوميات الأسرة: البيت، والسفر، واللعب، والصغار.
رسالتنا
نسوّي تطبيقات بسيطة تخفّف على الأسرة شغل يومها، وتفضّي لها وقت للسوالف.
رؤيتنا
نرافق الأسرة في كل مرحلة، من ترتيب البيت للسفر وأول سنين الصغار، بتطبيقات كل سطر فيها يستاهل سالفة.
أربع تطبيقات، وكل واحد بدأ من حاجة
كل تطبيق من هذي بدأ من شي نحتاجه في بيتنا، وبعدين صار تطبيق.
من وين بدت السالفة
- ما كان فيه خطة شركة.
- كان فيه بيت يبي يترتّب، وواحد يبي يرتاح شوي.
- جلست مع كوب قهوة وكتبت فكرة في سطرين أرتّب فيهم شغل البيت.
- السطرين صاروا عشرة، والعشرة صاروا تطبيق.
- زين، ايش بعد؟
- فجات السفرة، وجات اللعبة، وجا الصغير اللي يكبر كل يوم ويستاهل تطبيق بعد.
- وكل مرة نسوي نفس الشي: نكتب سطر ونسمع السالفة.
- وش اسم الشركة؟
- ما فكرنا كثير، الاسم كان موجود من البداية.
- والقهوة؟ ما نقصت أبداً.
ليش «سطر وسالفة»؟
السطر هو اللي تكتبه في دفترك: قائمة، أو مشوار، أو ذكرى. والسالفة هي اللي وراه: الناس اللي تحبهم، واللحظة اللي عشتوها مع بعض.
عشان كذا شعارنا ورقة مسطّرة داخل فقاعة كلام: السطر والسالفة في رسمة وحدة. وكل سطر له سالفة.
قيمنا
- 1
نعيشها قبل نبنيها
نبدأ من حاجة نعيشها في بيتنا، وبعدين نبنيها ونشاركها.
- 2
بساطة
كلمة واضحة، وضغطة وحدة، وبدون تعقيد.
- 3
أمانة
بيانات الأسرة أمانة عندنا. نقولها بصراحة وما نخبّي شي، وبياناتكم تبقى داخل المملكة.
- 4
تواضع
نعتذر إذا غلطنا، وما نتفاخر.
- 5
ذوق وإتقان
محتوى نظيف وحلال، وتفاصيل مضبوطة حتى لو ما أحد انتبه لها.
كيف نشتغل
عربي أول
نكتب ونصمّم بالعربي من البداية، وبعدين نمشي للغات الثانية. وقضّي يتكلم تسع لغات عشان كل واحد في البيت يفهم.
بسيط وبلمسة
شاشة واضحة وضغطة وحدة وبدون تعقيد، لأن الأسرة ما عندها وقت تضيّعه.
نسمع منكم
ملاحظاتكم توصلنا مباشرة على support@satrsalfah.com، ونقراها كلها.